O'zbek kinoijodkorlari kun sayin
yangidan-yangi janrdagi, yangi g'oyalar asosida, yangi kinokartinalar suratga
olish bilan band. Jumladan, yaqindagina o'z ishini boshlagan "Fox Cinema"
kinostudiyasi ham o'zbek kinosi uchun bir muncha yangi hisoblanadigan janrda,
yangi film suratga olishga kirishdilar.
"Qaroqchilar"... "Fox cinema"
kinostudiyasining ilk filmi shunday nom oldi va bu bejiz emas. Zero, film katta
ekranni ko'rgachgina, uning mazmunini tushunib yetasiz va yangi kinostudiya nima
sababdan bunday nom ostida film suratga olganligidan voqif bo'lasiz. Sarguzasht
janrida suratga olinayotgan yangi kinokartinadan yangi qiyofalar ham bisyor
bo'lishi kutilmoqda. Ammo, el tanigan mashhur san'atkorlar-u, xonandalar kichik
epizodik rollarni talqin etishlari ham ehtimoldan holi emas. Xullas, film haqida
juda ko'p xabarlar bor. Ammo, ularni film ekran yuzini ko'rguniga qadar
birma-bir sizga taqdim etamiz.
Qiziq, film nima uchun
"Qaroqchilar" deb nomlangan ekan?...